हृतिकची धक्काबुक्की
नुकतीच हृतिक रोशनने शिर्डीत पत्रकारांना धक्काबुक्की केल्याची बातमी वाचली. त्यामुळे सर्वच प्रसारमाध्यमांनी त्याला लगेचच खलनायक म्हणून लोकांसमोर आणायला सुरवात केली. त्याच प्रकारे त्याचा निषेधही करण्यात आला. त्याच प्रकारे त्याने माफी मागावी, अशी मागणीही करण्यात आली. मात्र, हृतिकने ट्विटरवर आपली बाजू लगेच मांडली आहे. आज स्वतःला पत्रकार म्हणून घेणाऱ्यांचे पीक समाजात जोरात फोफावते आहे. आज पत्रकार म्हणून मिरवणाऱ्यांना चार शब्दही धड बोलता येत नाहीत; पण पत्रकार म्हणून तो मोठी मिजास मिरवतो. त्याच प्रकारे पत्रकार म्हणून मिरवणारे हे लोक आपण किती लायकीचे आहोत, याचे कधीच मूल्यमापण करीत नाहीत. फक्त आपण पत्रकार आहोत, असे सांगूण आपणच आपल्या बुद्धीची दिवाळखोरी दाखवतात. अनेकांना काय प्रश्न विचारायचे याचीही अक्कल नसते, पण तरीही पत्रकार म्हणून फिरत असतात. त्याच प्रकारे अनेकांनातर एखादी घटना घडल्यावर त्या विषयाचे गांभीर्यच कळत नाही. त्याच प्रकारे आपण काय लिहितो आहे याचेही हे लोक कधी मूल्यमापण करीत नसतात. हृतिकच्या बाबतीत घडलेल्या घटनेत फडतूस पत्रकारांनी त्याचे फोटो काढले. फोटो काढून न देण्याचा त्याचा वैयक्तीक प्रश्न आहे. तो म्हणाली काढू नका, तर कशाला फोटो काढायचे, एवढी अक्कलही त्यांना नाही. आणि नंतर तो रागावलातर लगेचच धक्काबुक्की केल्याचे साऱ्यांनीच बोंबलायचे. अशा पत्रकारांमुळेच समाज रसातळाला चालला आहे.
कोणत्याही टिप्पण्या नाहीत:
टिप्पणी पोस्ट करा